Апарат Мінскага абласнога суда забяспечвае работу па ажыццяўленні правасуддзя, абагульненні судовай практыкі, аналізе судовай статыстыкі, сістэматызацыі заканадаўства, выкананні іншых функцый, а таксама ажыццяўляе меры па арганізацыйным забеспячэнні дзейнасці суда.

Апарат Мінскага абласнога суда складаецца з шасці структурных падраздзяленняў:

1. Аддзел арганізацыйнага забеспячэння судовай дзейнасці

У склад аддзела ўваходзяць:

• сектар па рабоце са зваротамі грамадзян і юрыдычных асоб;
• сектар арганізацыі судовага нагляду;
• сектар па крымінальных справах;
• сектар па грамадзянскіх справах;
• канцылярыя;
• сакратары судовага пасяджэння.

Асноўныя задачы аддзела:

• ажыццяўленне мерапрыемстваў, накіраваных на ўдасканаленне арганізацыі работы Мінскага абласнога суда і раённых судоў Мінскай вобласці;
• улік руху спраў і матэрыялаў, вынікаў іх разгляду, сістэматызацыя судовых пастаноў (іншых дакументаў) па справах і матэрыялах, разгледжаных у судовых калегіях і па першай інстанцыі, у тым ліку вядзенне аўтаматызаваных інфармацыйных сістэм;
• арганізацыя справаводства ў Мінскім абласным судзе і раённых судах Мінскай вобласці;
• узаемадзеянне з работнікамі структурных падраздзяленняў Мінскага абласнога суда, раённых судоў Мінскай вобласці, прадстаўнікамі іншых дзяржаўных органаў, юрыдычных асоб і грамадзян па пытаннях арганізацыі дзейнасці судоў;
• разгляд у межах кампетэнцыі ў парадку, устаноўленым заканадаўствам, зваротаў (прапаноў, заяў, скарг) грамадзян і юрыдычных асоб;
• забеспячэнне напаўнення інфармацыйных сістэм Мінскага абласнога суда і раённых судоў Мінскай вобласці дакладнымі звесткамі аб іх дзейнасці;
• ажыццяўленне першаснай апрацоўкі карэспандэнцыі, рэгістрацыі ўліку ўваходнай і выходнай карэспандэнцыі з выкарыстаннем камп'ютарнай рэгістрацыі ў электроннай аўтаматызаванай сістэме і метадычнае кіраўніцтва работай з дакументамі.

2. Аддзел кадраў і дзяржаўнай службы                  

Асноўныя задачы аддзела:

• рэалізацыя дзяржаўнай кадравай палітыкі, накіраванай на камплектаванне Мінскага абласнога суда і раённых судоў Мінскай вобласці кваліфікаванымі спецыялістамі, іх атэстацыя;
• фарміраванне рэзерву кадраў на пасады суддзяў раённых судоў Мінскай вобласці, работнікаў Мінскага абласнога суда;
• арганізацыя работы па павышэнні кваліфікацыі супрацоўнікаў Мінскага абласнога суда і раённых судоў Мінскай вобласці;
• падбор і расстаноўка кадраў з улікам іх прафесійных і маральна-псіхалагічных якасцей;
• арганізацыйнае забеспячэнне дзейнасці кваліфікацыйнай калегіі суддзяў Мінскага абласнога суда і эканамічнага суда Мінскай вобласці.

3. Аддзел статыстыкі і аналізу судовай практыкі

Асноўныя задачы аддзела:

• збор, апрацоўка і аналіз статыстычнай інфармацыі аб дзейнасці Мінскага абласнога суда і раённых судоў Мінскай вобласці па ажыццяўленні правасуддзя;
• вывучэнне і абагульненне судовай практыкі па крымінальных, грамадзянскіх справах і справах аб адміністрацыйных правапарушэннях;
• распрацоўка і правядзенне мерапрыемстваў, накіраваных на ўдасканаленне дзейнасці Мінскага абласнога суда і раённых судоў Мінскай вобласці па вядзенні судовай статыстыкі, арганізацыі аналітычнай работы.

4. Аддзел інвестыцый, дзяржаўных закупак і матэрыяльна-тэхнічнага забеспячэння

У склад аддзела ўваходзіць група эксплуатацыі, рамонту і матэрыяльна-тэхнічнага забеспячэння.

Асноўныя задачы аддзела:

• матэрыяльна-тэхнічнае забеспячэнне Мінскага абласнога суда і раённых судоў Мінскай вобласці;
• арганізацыя тэхнічнага абслугоўвання і эксплуатацыі будынкаў раённых судоў Мінскай вобласці;
• арганізацыя пытанняў, звязаных з капітальным будаўніцтвам, рэканструкцыяй і рамонтам будынкаў раённых судоў Мінскай вобласці, у тым ліку па аб'ектах капітальнага будаўніцтва, якія падлягаюць уводу па Дзяржаўнай інвестыцыйнай праграме.

5. Аддзел фінансавання, бухгалтарскага ўліку і справаздачнасці

Асноўныя задачы аддзела:

• арганізацыя фінансавай дзейнасці Мінскага абласнога суда, раённых судоў Мінскай вобласці, накіраваная на захаванасць і эфектыўнасць выкарыстання асноўных фондаў і абаротных сродкаў;
• ажыццяўленне работы па эканамічным планаванні, накіраваным на арганізацыю рацыянальнай гаспадарчай дзейнасці Мінскага абласнога суда;
• арганізацыя працы і заработнай платы, рацыянальнага выкарыстання і правільнага расходавання фонду аплаты працы.

6. Група праграмна-інфармацыйнага забеспячэння

Асноўныя задачы аддзялення:

• забеспячэнне бесперабойнага функцыянавання камп'ютарнай тэхнікі, актыўнага сеткавага і камутацыйнага абсталявання лакальнай вылічальнай сеткі, знешняй электроннай пошты Мінскага абласнога суда і раённых судоў Мінскай вобласці;
• забеспячэнне работы з электроннымі праграмамі ўзаемадзеяння з дзяржаўнымі органамі і ведамаснымі электроннымі праграмамі;
• забеспячэнне інфармацыйнай бяспекі лакальнай вылічальнай сеткі, тэхнічнай абароны службовай інфармацыі Мінскага абласнога суда і раённых судоў Мінскай вобласці.