Склад Вышэйшай кваліфікацыйнай калегіі суддзяў Вярхоўнага Суда Рэспублікі Беларусь

Кампетэнцыя

Вышэйшая кваліфікацыйная калегія суддзяў Вярхоўнага Суда Рэспублікі Беларусь:

• разглядае прадстаўленні ў адносінах да асоб, якія прэтэндуюць на пасаду намесніка Старшыні і суддзі Вярхоўнага Суда;
• праводзіць атэстацыю і ажыццяўляе дысцыплінарнае вядзенне ў адносінах да суддзяў:

Вярхоўнага Суда (акрамя Старшыні Вярхоўнага Суда),

старшынь, намеснікаў старшынь абласных (Мінскага гарадскога) і эканамічных судоў,

членаў кваліфікацыйных калегій суддзяў абласных (Мінскага гарадскога) і эканамічных судоў;

• мае права звяртацца да дзяржаўных органаў, іншых арганізацый і службовых асоб па пытаннях, якія адносяцца да яе кампетэнцыі;
• выступае ў абарону гонару, годнасці, правоў і законных інтарэсаў суддзяў;
• прымае на свой разгляд пытанні, якія адносяцца да кампетэнцыі кваліфікацыйных калегій суддзяў абласных (Мінскага гарадскога) і эканамічных судоў, у выпадку немагчымасці іх вырашэння гэтымі калегіямі, а таксама разглядае скаргі на іх заключэнні;
• дае заключэнні па пытаннях, вызначаных заканадаўствам Рэспублікі Беларусь.

Вышэйшая кваліфікацыйная калегія суддзяў Вярхоўнага Суда выбіраецца Пленумам Вярхоўнага Суда з ліку суддзяў Вярхоўнага Суда, прадстаўнікоў дзяржаўных органаў, вучоных-юрыстаў, іншых спецыялістаў у галіне права тэрмінам на чатыры гады ў колькасці 11 чалавек.

Старшыня Вярхоўнага Суда Рэспублікі Беларусь і яго намеснікі не могуць быць выбраны ў склад Вышэйшай кваліфікацыйнай калегіі суддзяў Вярхоўнага Суда.