Часопіс «Судовы веснік» – афіцыйнае выданне Вярхоўнага Суда Рэспублікі Беларусь.

Заснавальнік – Вярхоўны Суд Рэспублікі Беларусь.

Выдаецца з 1992 года на рускай, беларускай мовах. Выходзіць адзін раз у квартал. Аб’ём часопіса – 80 старонак.

У часопісе публікуюцца:
• пастановы Пленума Вярхоўнага Суда Рэспублікі Беларусь, якія растлумачваюць парадак прымянення прававых норм, і каментарыі да пастаноў;
• судовыя пастановы Вярхоўнага Суда Рэспублікі Беларусь;
• касацыйная, апеляцыйная і наглядная практыка судоў абласнога звяна;
• агляды судовай практыкі;
• матэрыялы аб вопыце работы суддзяў і судоў рэспублікі;
• аналітычныя артыкулы па пытаннях правапрымянення і дыскусійныя матэрыялы, у якіх ёсць прапановы па ўдасканаленні заканадаўства.

Рашэннем калегіі Вышэйшай атэстацыйнай камісіі Рэспублікі Беларусь часопіс уключаны ў Пералік навуковых выданняў Рэспублікі Беларусь для апублікавання вынікаў дысертацыйных даследаванняў па юрыдычных навуках.

Галоўны рэдактар – Кісялёва Вольга Уладзіміраўна.

Выданне ўключана ў Рэспубліканскі каталог падпісных выданняў.
Аформіць падпіску можна ў любым паштовым аддзяленні рэспублікі, а таксама ў магазінах і кіёсках «Белсаюздруку».

Падпісныя індэксы:
для індывідуальных падпісчыкаў – 74989;
для прадпрыемстваў, арганізацый – 749892.

У розніцу часопіс можна набыць у наступных аб’ектах гандлю:
• магазіне «Глобус» (г. Мінск, вул. Валадарскага, 16);
• магазіне № 13 (г. Мінск, станцыя метро «Плошча Перамогі»);
• іншых кіёсках «Белсаюздрук» рэспублікі.

Удакладніць інфармацыю аб наяўнасці канкрэтных нумароў часопіса ў гандлёвых аб’ектах «Белсаюздруку» можна па тэлефоне: (017) 327-63-27.