12 ліпеня 2018 года Старшыня Вярхоўнага Суда Рэспублікі Беларусь Валянцін Алегавіч Сукала сустрэўся з Надзвычайным і Паўнамоцным Паслом Федэратыўнай Рэспублікі Германія ў Рэспубліцы Беларусь Петэрам Дэтмарам.

Падчас сустрэчы бакі абмеркавалі магчымасць візіту кіраўніцтва Вярхоўнага Суда ў Германію ў рамках адной з гасцявых праграм Федэральнага ўрада Германіі.

На міжнародным узроўні прапануецца абмеркаваць праблему абароны персанальных даных з улікам нядаўніх навацый, уведзеных Генеральным рэгламентам аб абароне персанальных даных (GDPR – узмацняе і ўніфікуе абарону персанальных даных усіх асоб Еўрапейскага саюза), а таксама развіццё нацыянальнага заканадаўства ў гэтай сферы.

Бакі выразілі ўзаемную зацікаўленасць у будучым візіце.