Iнтэрнэт-партал судоў агульнай юрысдыкцыі Рэспублікі Беларусь

Вярхоўны Суд
Рэспублікі Беларусь


Чытайце ў часопісе "Судебный вестник Плюс: экономическое правосудие". № 9/2021

Для прагляду неабходна аўтарызавацца або зарэгістравацца

У Беларусі зараз – пачатковы этап фарміравання крытэрыяў, якія могуць выкарыстоўвацца для таго, как аднесці дзейнасць плацельшчыка да мадэлі “драблення бізнеса”. У якіх выпадках добрасумленнасць плацельшчыка падаткаў можа быць падвергнута сумненню? Якая форма права будзе служыць падставай для карэкціроўкі падатковай базы пры выяўленні падобных схем мінімізацыі падаткаабкладання? Нумар распачынае артыкул суддзі Вярхоўнага Суда Дзмітрыя Аляксандрава, у якім прадстаўлена меркаванне аўтара па гэтых пытаннях.

У публікацыі суддзі Вярхоўнага Суда Таццяны Праташчык даследуецца прававы статус трэціх асоб у абавязацельных адносінах. У якасці абавязацельстваў, якія прадугледжваюць удзел трэціх асоб, аўтар разглядае абавязацельства на карысць трэцяй асобы, абавязацельства, якое выконваецца трэцяй асобе, і абавязацельства, выкананне якога ўскладзена на трэцюю асобу.

У матэрыяле суддзі эканамічнага суда Мінскай вобласці Анастасіі Базар звернута ўвага на асаблівасці, якія важна ўлічваць пры звароце ў суд с заявамі пра прызнанне нядзеючымі рашэнняў мытных органаў, дзеянняў (бяздзеянняў) іх службовых асоб.

Аналізу найбольш распаўсюджаных спосабаў скасавання дагавора – па пагаджэнні бакоў, шляхам аднабаковай адмовы ад дагавора, у судовым парадку прысвечаны артыкул суддзі эканамічнага суда Віцебскай вобласці Ігара Рымшы. Аўтар звяртае ўвагу на абставіны, якія належаць устанаўленню судом пры вырашэнні спрэчак, звязаных са скасаваннем дагавора.

У выманні з пастановы судовай калегіі па справах інтэлектуальнай уласнасці Вярхоўнага Суда прадстаўлены вынік разгляду спрэчкі пра спагнанне запазычанасці па дагаворы выканання праектных работ.

У артыкуле суддзі эканамічнага суда Гродзенскай вобласці Яўгеніі Дзярабінай зроблены акцэнт на некаторых аспектах разгляду спраў, звязаных з адзнакай сапраўднасці здзелак даўжніка, прызнанага банкрутам, у залежнасці ад часу іх здзяйснення і вынікаючых наступстваў.

Матэрыял намесніка старшыні эканамічнага суда Магілёўскай вобласці Таццяны Гашпар прысвечаны аналізу існасці прававой катэгорыі “злоўжыванне правам”. Выкладзены пункт гледжання па пытанні пра магчымасць прымянення судом арт. 9 ГК па ўласнай ініцыятыве.

Суб’екты гаспадарання пры спагнанні бясспрэчнай запазычанасці нярэдка адчуваюць складанасці пры выбары паміж загадным вядзеннем і здзяйсненнем натарыусам выканаўчага надпісу. У рубрыцы “Юрыдычны вопыт” прыведзены параўнальны аналіз гэтых працэдур, раскрываюцца магчымасці іх прымянення.