Афіцыйныя друкаваныя выданні

Вярхоўнага Суда Рэспублікі Беларусь

Архiў нумароў

Чытайце ў часопісе "Судебный вестник Плюс: экономическое правосудие". № 12/2021

Для прагляду неабходна аўтарызавацца або зарэгістравацца

Асноўнай прычынай, якая перашкаджае заканчэнню ліквідацыйнага вядзення па справах аб банкруцтве, з’яўляецца наяўнасць у даўжніка нерэалізававанай маёмасці. Пры гэтым у заканадаўстве адсутнічае дакладна прапісаны механізм, пры дапамозе якога можна было б здзейсніць перадачу гэтай маёмасці ў кошт пагашэння патрабаванняў крэдытораў. Алгарытм дзеянняў, які можа быць выкарыстаны пры размеркаванні маёмасці даўжніка, якая засталася пасля пагашэння патрабаванняў крэдытораў альбо нерэалізаванай на таргах, прапанаваны ў рубрыцы “Актуальна”.

У публікацыі суддзі эканамічнага суда Віцебскай вобласці Вольгі Піскуновіч разгледжаны адзін з найбольш распаўсюджаных у гаспадарчай дзейнасці спосабаў прыпынення абавязацельстваў – залік сустрэчнага аднароднага патрабавання, і сфармуляваны ўмовы, пры якіх дапускаецца яго здзяйсненне.

Падставы, па якіх суд можа паменьшыць памер адказнасці перавозчыка па дагаворах міжнароднай дарожнай перавозкі грузаў, аналізуюцца ў матэрыяле суддзі эканамічнага суда Брэсцкай вобласці Алега Казакова. А ў артыкуле суддзі таго ж суда Генадзя Трушко раскрываюцца асаблівасці разгляду патрабаванняў аб спагнанні страт у сувязі з неналежным выкананнем падрадчыкам абавязацельстваў па выпрацаванні праектна-сметнай дакументацыі.

Калі паміж уладальнікам нерухомай маёмасці і асобай, якая патрабуе ўстанаўлення сервітута, няма дамоўленасці пра сервітут і яго ўмовы, гэтая асоба мае права звярнуцца з іскам у суд. Некаторым аспектам вырашэння такога віда спраў прысвечаны матэрыял начальніка аддзела статыстыкі і аналіза судовай практыкі эканамічнага суда Магілёўскай вобласці Юліі Лукшы.

Пра некаторыя пытанні разгляду спраў, звязаных з банкруцтвам сельскагаспадарчых арганізацый, ідзе размова ў матэрыяле суддзі эканамічнага суда Гродзенскай вобласці Дзяніса Ката.

У другой частцы артыкула, прысвечанага аналізу прававых механізмаў мірнага ўрэгулявання спрэчак, ідзе размова пра размеркаванне судовых выдаткаў пры заключэнні міравога пагаднення і пагаднення пра прымірэнне, выкананні адзначаных дамоў, звернута ўвага на асаблівасці прымянення медыяцыі па такіх спрэчках.

У часопісе таксама прадстаўлены вынік разгляду судовай калегіяй па справах інтэлектуальнай уласнасці Вярхоўнага Суда скаргі на рашэнне Апеляцыйнага савета пры патэнтным органе пра адмову ў задавальненні пярэчання супраць прадастаўлення прававой аховы таварнаму знаку.